BIL-spelarar uttatt på Proffveka i Stryn

Postet av Morten Ferstad den 14. Jun 2015

To Bremanger spelarar er tatt ut til Proffveka 2015 som skal vere i Stryn 3 - 7 august.

Espen og Håvard Rosø
Brødrene Espen Rosø og Håvard Rosø er tatt ut til Proffveka 2015.

Bremanger har fått med to spelarar på Proffveka 2015. Tidlegare denne veka vart det nemleg klart at både Håvard Rosø(13) og Espen Rosø(15) var plukka ut til å delta på dette fotballarrangementet i Stryn. Espen kom med for tredje året på rad medan det for Håvard er første gong.


Proffveka i Stryn går av stabelen 3.-7. august og også i år vil det vere solide trenarkrefter på plass. Her kan nemnast:


Paul Lever, tidl.akademitrenar i Liverpool.

Brad Douglas, australier som er sjef for Coerver Coaching Europa.

Chris Williams, tidl.proffkeeper i Port Vale, Bolton og Everton, no keepertrenar i Manchester City.

Roar Wold, spelarutviklar i Rogaland Fotballkrets og landslagstrenar for J15.

Marius Bøe, toppspelarutviklar i Sogndal Fotball og trenar for Sogndal 2.

Johann Sigurdsson, Proffveka sin far. No trenar for Stryn og tidl.assistenttrenar i Sogndal.



Slik ser ein dag på Proffveka ut:

09.00: Frukost på Stryn Stadion

10.00: Fotballtrening på Stryn Stadion

12.00: Lunsj på Stryn Stadion

13.00: Faglig teoretisk del

15.00: Fotballtrening på Stryn Stadion

18.00: Middag

19.00-22.00: Fritidsaktivitetar.


Stryn Fotball skriv dette om uttaket på sine nettsider: "Dette er eit tilbod til ambisiøse gutar og jenter mellom 13 og 16 år som vil satse på fotball. Vi har i år fått inn rekordmange søknader, noko som er svært gledeleg. Med høg kvalitet på alle spelarar, har jobben med uttaket aldri vore vanskelegare enn i år".



Det var to svært glade BIL-gutar som fekk beskjed om uttaket som vart offentleggjort av Frank Hool og Johann Sigurdsson seint tirsdag kveld. BIL Fotball gratulerer med uttaket og ønskjer lykke til med ei lærerik treningsveke!


0 Kommentar

Kommentarer

Logg inn for å skrive en kommentar.

Levert av IdrettenOnline